Dy banesa të përshtatura për kultivimin e lëndëve narkotike janë zbuluar nga Policia në fshatin Barbullush të Vaut të Dejës.
Si rezultat është arrestuar në flagrancë shtetasi Aurel Çelaj, 31 vjeç, banues në Shkodër, dhe u shpallën në kërkim shtetasit Gj. G., 46 vjeç, L. G., 53 vjeç, E. G., 43 vjeç dhe M. G., 51 vjeç, të gjithë banues në fshatin Barbullush.
Gjithashtu u ndaluan edhe shtetasit Flogert Hila, Aleksandër Gjovalini, dhe Zef Nikolli, punonjës të OSHEE-së, për veprën penale “Shpërdorimi i detyrës”, kryer në bashkëpunim.
Nga kontrollet janë gjetur dhe sekuestruar, në cilësinë e provës materiale, 583 bimë të dyshuara narkotike kanabis, 7 kg e 490 gr kanabis, 307 pajisje elektrike që shërbenin për kultivimin e bimëve narkotike, 3 celularë.
Materialet procedurale iu kaluan Prokurorisë së Shkodrës për veprime të mëtejshme.
