Teksa shteti vijon të tronditet herë pas herë nga lidhjet e korrupsionit që nxjerrin në pah mediat dhe organet ligjkzbatuese, një rast të tillë tipik po raportojmë ekskluzivisht sot. Në qendër të skandalit janë ish familja e deputetit socialist Frrok Gjini dhe një ish zyrtar i lartë lokal, Mark Babani, ish-kryebashkiak i Vaut të Dejës.
Lidhja miqësore
Mes Frrok Gjinit dhe Babanit ka një lidhje miqësore dhe kjo është botërisht e ditur.
Në një postim në rrjetet sociale nga vetë Gjini, të dy shfaqen në një tavolinë të shtruar me meze e birra. Ish deputeti e përshkruan atmosferën me tonet e një takimi elektoral teksa kujdeset që Babanin ta etiketojë si “mik”.
“Shelqet – Kënaqësi takimi me miq si Mark Babani, ish-kryetar i Bashkisë Vau Dejës, dhe Elvis Precin, kryetar i PS Vau Dejës. . Një bisedë e hapur, me ide e reflektime për të sotmen dhe të ardhmen e Vau Dejësit, me të njëjtën dëshirë për të çuar përpara gjithçka kemi ndërtuar me përkushtim ndër vite. Faleminderit për mbështetjen, besimin dhe miqësinë që e bën rrugën tonë edhe më të fortë”, shkruan Gjini në postimin në “FB” që shoqëron pamjet me video.
Kur miqësia shdnërrohet në klientelizëm – Një aferë për SPAK
Deri këtu asgjë të jashtëlidhje apo jo morale. Por, kur lojë futet paraja situata ndryshon. Faktet që do të paraqesim më poshtë dëshmojnë sesi miqësia Frrok Gjini-Mark Babani është kthyer në një lidhje klienteliste dhe që mban në ballë stampën e korrupsionit!
E shpejguar me fjalë më të thjeshta, djali i Frrok Gjinit ka përfituar nga bashkia e drejtuar nga Babani miliona fonde publike në procedura të shënuara me “Flamur të kur” – që tregojnë rriskun e lartë të korrupsopnit.
Në tre procedura tenderuese, në kushte të dyshimta, firma e të birit të Frrok Gjinit – Xhovan Gjini (person fizik) ka marrë mbi 50 mln lekë, konkretisht 5 272 390,00 Lekë nga Bashkia e Vaut të Dejës, e drejtuar nga Babani.
Në të treja rastet, tenderat kanë pasur si objekt “Blerje materiale pastrimi” dhe kanë garuar disa kompani. Por, bashkia e Babanit ka skualifikuar një sërë firmash, teksa fitues i parave publike është shpallur i biri i mikut të kryetarit të Bashkisë.
Skemë kjo e ndjekur në të gjitha rastet!
Portali i specializuar në analizën e procedurave tenderuese ka markuar me “flamur të kuq” të gjithë tenderët e sipërpërmendur për shkak të “Skualifikim i te gjithe operatoreve konkurrues pervec fituesit/Skualifikim i ofertes vlere me e ulët”.
Pra, e shpejguar thjesht, tabloja duket e tillë: Babani ka marrë gërshëret e krasitjes së parave publike me të cilat ka eliminuar kudënrshtarët në garë të djalit të mikut, për ti ccuar milionat e taksapaguesve të ky i fundit!
Si janë ndarë pazarët?! Pyetrjes i takon ti përgjigjet Prokuroria, që ka marrë të pandehur dhe dënuar zyrtarë për shumë më pak se kaq!/Publik.al
