Kryebashkiaku i Shkodrës, Benet Beci, është paraqitur këtë të premte në Prokurorinë e Posaçme (SPAK), ku ka qëndruar rreth dy orë, përpara se të largohej nga ambientet e saj.
Prokuroria e Posaçme ka zgjatur në korrik afatet e hetimit ndaj kryebashkiakut, ndaj të cilit është regjistruar procedim penal për veprën penale të shkeljes së barazisë në tendera apo ankande publike, kryer në bashkëpunim.
Procedimi është regjistruar më 23 tetor 2024, ndërsa më 23 prill 2025 Beci është marrë zyrtarisht i pandehur.
Hetimi lidhet me një tender me vlerë rreth 700 mijë euro të vitit 2019, me objekt zhvillimin strategjik të sektorit energjetik, i konsideruar si projekt kërkimor.
