Demokratët e Vlorës i janë bashkuar thirrjes së opozitës për protestën që do të zhvillohet sot në kryeqytet.
Rreth 300 anëtarë dhe simpatizantë të Partisë Demokratike nga qarku i Vlorës janë nisur drejt Tiranës që në orët e para të mëngjesit.
Mësohet se rreth 200 pjesëmarrës vijnë nga vetë qyteti i Vlorës, ndërsa rreth 100 të tjerë janë regjistruar nga degët në Selenicë dhe Himarë.
Organizimi është zhvilluar përmes listave dhe njoftimeve të brendshme në strukturat e partisë, sipas të cilave ka një interes të shtuar për pjesëmarrje në protestë.
