Ministrja e brendshme Albana Koçiu ka thirrur në një takim në ambientet e institucionit që drejton, drejtorin e AMP, Eduart Merkaj.
Ky takim vjen një ditë pas atentatit në Rinas, ku humbi jetën Gilmando Dani dhe mbeti i plagosur rëndë agjenti i AMP, Muçi Shaljani.
Më herët, Merkaj firmosi nisjen e procedurave hetimore për rekrutimin e Shaljanit në radhët e AMP. I njohur si “Sheqeri”, i plagosuri i atentatit në Rinas u bë pjesë e AMP pa procedurë.
Vetë ministrja disa orë para atentatit e cilësoi Shqipërinë një vend të sigurt duke sjellë si fakt lajmet ndërkombëtare dhe jo realitetin e sigurisë dhe rendit.
