Komisioni për Çështjet Ligjore dhe Administratën Publike do të nisë sot zhvillimin e seancave dëgjimore publike me 26 kandidatët për pozicionin e Avokatit të Popullit.
Seancat dëgjimore do të zhvillohen në datat 12 dhe 13 nëntor 2025, në orën 14:00, në sallën e Komisionit për Çështjet Ligjore dhe Administratën Publike, pranë Kryesisë së Kuvendit.
Në ditën e parë të dëgjesave, më 12 nëntor, do të paraqiten kandidatët: Adriana Kalaja, Anton Kosteri, Anton Lleshaj, Aranita Brahaj, Besim Ndregjoni, Dardan Mustafaj, Endri Papajorgji, Endri Shabani, Fatjona Male, Genta Tafa, Gerti Shella, Gëzim Allaraj dhe Ismail Tafani.
