Për ministren e Brendshme Albana Koçiu, Shqipëria është një vend i sigurt me një numër të ulët të krimeve të rënda.
“Shqipëria është vend i sigurt, ky është përshkrimi që i ka bërë vendit tonë udhërrëfyesi Lonly Planet. Shqipëria ka dalë nga të gjitha listat e zeza. Kemi rritur ndjeshëm sigurinë, duke arritur 95% zbulueshmëri për veprat penale. Është ulur numri i krimeve të rënda”, deklaroi Koçiu.
Edhe pse vrasjet, atentatet, krimet në familje kanë qenë të pranishme, ministren duket se nuk e shqetësojnë faktet, përballë marketingut ndërkombëtar.
Madje, minsitrja ka habitur me deklaratën e bërë duke iu referuar ngjarjeve të fundit kriminale, si vrasja e babait në Durrësit apo e kamerierit në Tiranë.
Koçiu tha se polici nuk mund të rrijë në kuzhinë për të ndaluar që djali të vrase babanë apo që picieri të vrasë kuzhinierin.
“Janë tre krime të rënda, por nuk janë vrasje mafioze, por janë të pashmangshme nga puna që bën policia. Unë nuk besoj se ka ndonjë vend të botës ku polici të rrijë në kuzhinë për të parandaluar që djali të godasë babain me thikën e bukës, apo në një vend të botë ku polici rri në kuzhinën e restorantit për të parandaluar picierin të godasë me thikë kuzhinierin. Janë ngjarje tragjike, por nuk implikohet puna e policisë së shtetit. Autorët janë kapur pas ngjarjeve”, tha Koçiu.
