Kryeministri Edi Rama nuk do të jetë pjesë e Samitit të Zgjerimit të BE-së, që do të mbahet në Bruksel.
Sipas Euronews Albania, Rama ndodhet prej orëve të para të mëngjesit në Kryeministri.
Kryeministria kishte njoftuar më parë udhëtimin e Ramës drejt Brukselit ku ishte parashikaur që rreth orës 14:30, kryeministri të merrte pjesë në panelin “EU Enlargement Summit”.
Rama pritej që së bashku me Kryeministrin e Malit të Zi, Milojko Spajiq, dhe Kryeministrin e Maqedonisë së Veriut, Hristijan Mickoski, do të diskutonin progresin e vendeve kandidate dhe sfidat e procesit të integrimit.
