Pas ngjarjes tragjike që tronditi sistemin gjyqësor shqiptar, Gjykata e Apelit në Tiranë ka shpallur një vend vakant për një punonjës sigurie, me kushtin që aplikantja të jetë grua.
Kjo lëvizje vjen si reagim ndaj vrasjes së gjyqtarit Astrit Kalaja, i cili u ekzekutua më 6 tetor brenda sallës së gjyqit, gjatë një seance për çështje pronësie.
Autori, Elvis Shkambi, 30 vjeç, qëlloi tre herë me armë ndaj gjyqtarit sapo ky i fundit shpalli vendimin kundër xhaxhait të tij. Më pas, ai hapi zjarr edhe ndaj palës kundërshtare, Ragip dhe Ervis Kurtaj, babë e bir.
Pas kryerjes së krimit, Shkambi u dorëzua menjëherë tek patrulla e policisë në dalje të gjykatës.
