Teksa Gjykata Kushtetuese rrëzoi dekretin e tij për Tiranën, presidenti Bajram Begaj e thotë me bindje të plotë se nuk ka shkelur aspak Kushtetutën.
I pyetur nga A2 CNN, Begaj tha se nuk është penduar për dekretimin e zgjedhjeve, përfshirë Tiranën, dhe se e respekton vendimin e GJK.
“Nuk jam penduar aspak. Gjykata Kushtetuese, me vendimin e marrë për pezullimin e pjesshëm 1/6-tës së dekretit është shumë e respektuar nga ana jonë. Do të vazhdojmë me procesin deri sa çështja të diskutohet në tërësi”, tha Begaj.
I pyetur pse nuk e ka thërritur ende anëtarin e Gjykatës Kushtetuese, Asim Vokshi, për t’u betuar, Begaj tha: “Ku e dini ju që nuk e kam thërritur. Kur të betohet do ta merrni vesh”.
