Ambasada britanike në Tiranë ka reaguar pas ngjarjes së rëndë që ndodhi një ditë më parë në Gjykatën e Apelit, ku pas një sulmi mbeti i vrarë gjyqtari Astrit Kalaja.
Në reagim, ambasada britanike dënon aktin dhe shpreh ngushëllime për familjen e gjyqtarit. Po ashtu, ambasada kërkon masa për të ruajtur sigurinë dhe integritetine gjykatave.
“Jemi thellësisht të prekur nga vdekja e gjyqtarit Astrit Kalaja.
Ngushëllimet tona shkojnë për familjen, miqtë dhe kolegët e tij.
Dënojmë fuqishëm aktin e dhunës dhe bëjmë thirrje për masa urgjente për të garantuar sigurinë e gjyqtarëve dhe integritetin e gjykatave”, thuhet në reagimin e ambasadës.
