Zëvendëskomandanti i policisë detare të Hamasit, Iyad Abu Yousef, i cili akuzohej se mori pjesë edhe në sulmin e 7 tetorit 2023 në Izrael, u vra në një sulm ajror të kohëve të fundit në Rripin qendror të Gazës. Lajmi u konfirmua nga forcat ushtarake të IDF.
Sulmi u krye nga Forcat Ajrore Izraelite, bazuar në informacionin e dhënë nga Divizioni i Inteligjencës Detare dhe Drejtoria e Inteligjencës Ushtarake, informon “La Repubblica”.
IDF deklaron se Abu Yousef mori pjesë në sulmin e 7 tetorit 2023 dhe se gjatë luftës ai planifikoi prita kundër trupave izraelite dhe ishte përgjegjës për sigurinë e aseteve të Hamasit.
“Eliminimi i tij është një goditje serioze për aftësitë e policisë detare të Hamasit, të cilat përdoren për të mbledhur inteligjencë mbi forcat tona dhe për të zbatuar kontrollin detar për krahun ushtarak të organizatës”, deklaroi ushtria izraelite.
