Një turiste amerikane është gjetur e vdekur në shtëpinë që kishte marrë me qira në Shkodër.
Ngjarja u konstatua mesditën e sotme, në lagjen “Gjuhadol” dhe viktima është 63 vjeçe. Paraprakisht dyshohet për një vdekje natyrale, por do të pritet edhe ekspertimi mjeko-ligjor për të përcaktuar shkakun edhe shkencërisht.
“Rreth orës 12:30, në lagjen “Gjuhadol”, është gjetur pa shenja jete, në banesën që kishte marrë me qira, shtetasja amerikane Ch. S., 63 vjeçe. Nga veprimet e para hetimore dyshohet se ajo ka humbur jetën për shkaqe natyrale”, njoftoi policia vendore.
Grupi hetimor vijon punën për dokumentimin e shkakut të humbjes së jetës, teksa mbeten të panjohura dinamika dhe rrethanat e ngjarjes.
