Reshjet e dendura të shiut kanë përshirë qytetin e Vlorës duke shkaktuar përmbytje.
Më të prekura kanë qenë lagjja “Pavarësia 3”, zona e Skelës,Bulevardi Kryesor I.Qemali , rruga pranë Bibliotekës se qytetit. Gjithashtu nën ujë janë edhe disa lagje të tjera, si “28 Nëntori”, “Pavarësia” dhe “Kushtrimi”.
Edhe Durrësi është përfshirë nga përmbytjet për shkak të reshjeve të dendura të shiut. Shumë kryqëzime rrugësh janë bllokuar nga uji duke vështirësuar lëvizjen e automjeteve.
Reshjet kanë krijuar probleme në shumë akse rrugore, përfshirë dhe nënkalimin te Veliera në lagjen nr. 1 të Durrësit pranë portit.
