Një tjetër tender publik i zhvilluar nga Qendra Spitalore Rajonale Berat me në krye socialistin e thekur Arben Konomi ka ngritur pikëpyetje të forta mbi transparencën dhe konkurrencën reale në përdorimin e fondeve publike.
Eral Myftaraj, miku i Bledi Çuçit ka fituar një tender me vlerë mbi 90 Milionë Lekë pa TVSH për “Furnizim me lëndë ngrohëse – pelet druri për shërbimin e ngrohjes”.
Kompania AL-MEXWOOD shpk në pronësi të Eral Myftarajt u shpall fituese teksa oferta më e ulët u skualifikua. Tenderi u shënua me Flamur të Kuq për shkelje të ligjit të Prokurimeve Publike në dy pika.
Myftaraj, një nga shteruesit e Buxhetit të Shtetit është përfitues i koncesionit Menaxhimi dhe zhvillimi teknologjik i prodhimit të fidanëve pyjor/arror në Fidanishten Shtetërore të Cërrikut, Elbasan me kompaninë e tij. Ai ka përfituar ndër vite tendera publikë në ndërtim me kompaninë e tij “METEO”, falë lidhjeve të tij klienteliste politike me qeverinë.
Gllabëruesi i tenderave të qarkut Elbasan ka lidhje me funksionarë të ndryshëm publikë dhe i ka gjetur telat e ndarjeve të pazareve në çdo sektor.
Me paratë publike Myftaraj gramshioti jeton si sheik, mes vilave, makinave luksoze, mbi skafe në vende ekzotike duke sfiduar drejtësinë dhe barazinë para ligjit.
Ai ka përfituar 3.6 MILIARD lekë si operator I VETËM vetëm nga pushteti lokal.
Nga transaksionet e Thesarit, të dhënat tregojnë derdhje prej mbi 33 MILIARD LEKËSH për Myftarajn nga viti 2019 e deri më sot.
