Një denoncim i bërë nga Taulant Muka në Facebook ka hedhur dritë mbi një skandal akademik në Universitetin e Durrësit. Sipas denoncimit, Eris Zeqo, ish zv. dekan, është emëruar shef i Departamentit të Shkencave Kompjuterike, pavarësisht se dyshohet se doktoratura e tij është 100% plagjiaturë.
Muka thekson se Zeqo, i cili nuk ka profilin e duhur për këtë post, është shpërblyer me një pozicion drejtues, ndonëse doktoratura e tij thuhet se është e përkthyer dhe e kopjuar nga fillimi në fund, duke përfshirë dhjetëra faqe.
Ky rast, sipas denoncuesit, është një shembull i qartë i dështimit të sistemit akademik në Shqipëri. Kur mashtrimi shpërblehet me poste të larta, humbet misioni i universitetit, studenti humbet besimin dhe vendi humbet potencialin për t’u zhvilluar dhe për të përfituar fonde nga BE-ja.
