Një i ri është arrestuar nga Policia e Tiranës në fshatin Krrabë, i cili lëvizte i armatosur me pistoletë, të cilën e mbante pa leje.
Në kuadër të operacionit policor të koduar “Village” është vënë në pranga shtetasi Redian Rrumbullaku, 22 vjeç. Sipas autoriteteve, ai ka tentuar të arratiset në momentin kur ka parë uniformat blu.
“Gjatë kontrollit në çantë, iu gjet 1 armë zjarri pistoletë me municion, të cilët e mbante pa leje. Sapo ka parë shërbimet e Policisë, 22-vjeçari ka tentuar të largohet, por si rezultat i veprimeve të shpejta operacionale, është mundësuar kapja dhe vënia e tij në pranga.” – thuhet në njoftim.
Arma e zjarrit dhe municioni luftarak janë sekuestruar nga Policia. Materialet procedurale i janë referuar Prokurorisë së Tiranës, për veprime të mëtejshme.
