Thasët e Buxhetit të Shtetit vazhdojnë të shkojnë te familja e kryetares së Bashkisë Durrës, Emiriana Sako, përmes tenderëve abuzivë.
Familja e kryetares së Bashkisë Durrës, Emiriana Sako, përfiton miliona euro nga buxheti i shtetit përmes dy kompanive të saj për dhënie makinash me qira dhe shitje: “Mektrin Motors” dhe “EUROCAR Rentals”. Përmes lidhjeve të ngushta me pushtetin e Partisë Socialiste, këto kompani vazhdojnë të marrin kontrata publike të fryra me vlerë miliona euro.
Policia e Shtetit ka dhënë rekord tenderësh ndaj familjes Sako, me dy kontrata me vlerë 5 milionë euro, për marrjen e makinave me qira, me një çmim prej 34 mijë euro për një makinë për 4 vite përdorim.
Sipas Buletinit të Prokurimit Publik të datës 25 gusht 2025, kompania “Mektrin Motors” ka përfituar edhe 1.7 milionë euro nga Ministria e Brendshme, për nevojat e shoqërisë së sigurimit të objekteve “Illyrian Guard”. Tenderi është ndarë në tre lote:
Loti i Parë: blerje automjetesh “4+1 vende”, vlerë totale 1.1 milionë euro me TVSH.
Loti i Dytë: automjete SUV “4+1 vende”, vlerë totale 645 mijë euro me TVSH.
Loti i Tretë: 1 minibus “15+1 vende”, vlerë 54 mijë euro me TVSH.
Përmes një pazari paraprak me drejtuesit e institucioneve shtetërore, tenderët shpallen fitues për kompanitë “Mektrin Motors” dhe “EUROCAR Rentals” pa garë reale, ose me gara fiktive.
Përveç këtyre dy kompanive, familja Sako & Shahini zotëron edhe 11 kompani të tjera, të cilat përdoren për qarkullim, fshehje dhe pastrim miliona eurosh të lidhura me korrupsionin dhe interesat e pushtetarëve dhe grupeve kriminale të rrjetit të tyre./Pamfleti
