Ndërkohë që Shqipëria digjet nga zjarret masive që po përhapen prej javësh në të gjithë territorin, Presidenti Bajram Begaj ka një mesazh të qartë për banorët: mos u trembni, vetëm bashkëpunoni me zjarrfikësit dhe ndihmoni sa të mundni edhe nëse kjo do të thotë të rrezikoni jetën tuaj. Sepse në fund të fundit, solidariteti kërkon sakrifica, apo jo?
Në një kohë kur vatrat e zjarrit po shkatërrojnë pyje, kullota, vreshta, madje edhe shtëpi, dhe banorë po evakuohen nën kërcënimin e flakëve, mesazhi presidencial duket sikur u kërkon atyre të bëjnë mrekullinë – të bëhen “zbukurim” në vend të shikuesve pasivë.
Ndërkohë që zjarrfikësit punojnë me mjete të vjetruara, dhe qeveria i pret me duar në xhep ndihmat e huaja, banorët njoftohen me butësi se duhet të “kontribuojnë krah për krah” me forcat e emergjencës. Dhe nëse ndonjë prej tyre ka frikë për jetën e vet? Epo, solidariteti vjen me kosto!
Kjo thirrje për mobilizim vjen ndërsa në Gramsh zjarret kanë marrë përmasa tragjike, duke marrë jetën e një personi dhe plagosur të tjerë, që përpiqen të mbrojnë pronat e tyre.
