Një aksion është zhvilluar mesditën e sotme (2 korrik) në zyrat qëndrore të kompanisë “Bankers” në Fier, e cila operon prej vitesh në fushën naftënxjerrëse të Marinzës.
Disa automjete luksoze me targa shqiptare e të huaja ndodheshin jashtë godinës së kompanisë, ndërsa brenda murit rrethues ndodhej një furgon i Drejtorisë së Përgjithshme të Tatim-Taksave dhe të policisë.
Mësohet se është shoqëruar administrator, kinezi Huanqin Xiao. Burime kofidenciale bëjnë me dije se ky kontroll dyshohet të ketë lidhje me një borxh që kompania i ka shtetit.
Ende nuk ka asnjẽ reagim zyrtar për rastin.
Kompania “Bankers Petroleum” është akuzuar në të kaluarën nga Drejtoria e Tatimeve se nuk ka likuiduar deryrimet fiskale ndaj shtetit, administratës tatimore dhe asaj doganore.
Gjithashtu, Bankers akuzohet prej një kohe të gjatë edhe për ndotjen që shkakton në zonë, si rezultat i aktivitetit naftënxjerrës.
