Avni Ponari dublon Vilma Nushin, çfarë fshihet pas mauneve të paligjshme që bëjnë vizita falas, dyshime për licencimin dhe kushtet higjeno-sanitare. Ministria e Shëndetësisë në gjumë.
Një maune, e quajtur Klinikë Lëvizëse e Sigalit të Avi Ponarit, vijon një tur nëpër zona të Shqipërisë, duke kryer vizita dhe ekzaminime falas. Sigal, skeduar për tendera klietelistë dhe të dyshimtë, thotë se “Ky aktivitet është pjesë e politikave dhe vizionit të kompanisëmë të madhe të sigurimeve në drejtim të mirëqenies së klientëvetë saj dhe në emër të një shëndeti më të mirë”.
Në pamje të parë lëvizja perceptohet si një aktivitet humanitar, i dobishëm dhe bamirës.
Por çfarë fshihet pas? Nuk ka dyshim se interesat e biznesit të Avi Ponarit. Çdo biznesmen është në të drejtën e tij brenda rregullave dhe korrnizave ligjore, por në rastin konkret ngrihen disa pikëpyetje.
Së pari, nuk ka një bazë ligjore për të lëvizur maunet nëpër Shqipëri për të kryer të ashtuqujturat vizita falas.
Së dyti, maunet e Avi Ponarit, nga një vëzhgim i thjeshtë nuk plotësojnë kushtet më elementare higjeno-sanitare, madje mund të jenë burim infeksionesh.
Së treti, një shërbim të tillë, çdo qytetar mbi 35 vjeç mund t’a marrë falas dhe më të plotë tek klinikat e oligarkes Vilma Nushi, e cila ka marrë koncesionin korruptiv të Check-up.
Së katërti, kompanitë e Avni Ponarit ushtrojnë aktivitet në fushën e sigurimeve, ndërtimit etj., nuk kanë lidhje me ekzaminimet dhe laboratorët.
Kush i ka licencuar maunet e Avni Ponarit për të kryer vizita shëndetësore falas?
Po personelin shëndetësor në maune kush e ka certifikuar?
Këto dhe shumë pikëpyetje të tjera duhet të vinin në lëvizje strukturat e Ministrisë së Shëndetësisë.
/Insajderi/
