Ish-futbollisti i njohur, Albano Vaso ka ndërruar jetë në moshën 56 vjeçare.
Ai dha një kontribut të madh për klubin e Skënderbeut dhe ishte një figurë e respektuar në komunitetin sportiv dhe qytetar.
Një vit më parë, në muajin mars u nda nga jeta dhe babai i tij, legjenda e futbollit elitar korçar dhe Kombëtares, Teodor Vaso.
Për disa vite me radhë, Vaso është cilësuar si një ndër lojtarët më të mirë të Kombëtares, për kohën që aktivizohej.
Heroi i përfaqësueses shqiptare do të mbahet mend për shumë episode të veçanta në jetën e tij, por më i veçanti ka qenë në ndeshjen e vitit 1967, kur luajti për 30 minuta me këmbë të vrarë dhe të ënjtur kundër Republikës Federale Gjermane.
