Ndryshe nga sa ndodh në shumë vende të BE-së, aty ku Rama na premtoi se do të na çojë në vitin 2030, në Shqipëri pushteti përdoret për të bërë miliona. Ajo që shohim përditë në KQZ, ku kandidatët kacafyten mes tyre për një mandat deputeti, nuk bëhet kot; bëhet sepse kush futet në Parlament e di se, kur të dalë, do të ketë apartamente, makina e prona. E njëjta gjë vlen edhe për krerët e bashkive, të cilët ndryshe nga deputetët, kanë në dorë edhe tenderë.
Një rast tipik është ai i kryebashkiakut të Pogradecit, Ilir Xhakolli. Rama e hoqi nga Parlamenti dhe e kandidoi për kryetar bashkie më 2019, duke na premtuar më shumë investime për Pogradecin. Por një nga qytetet më të dashur dhe të vlerësuar nga qytetarët vijon të mbetet i njëjti si 20 vite më parë. Përveç kësaj, tani duket se ai po shkon drejt betonizimit.
Rama e ka cilësuar Xhakollin si njeri që punon, por mjafton të shohim sesi ka ndryshuar pasuria e tij gjatë viteve si kryetar bashkie për të kuptuar se sa “punon”.
Ndërkohë nuk duhet të harrojmë një element tjetër: Ilir Xhakolli ka punuar doganier dikur. Në atë punë ka bërë pasuri të madhe dhe, para se të bëhej deputet më 2013, ka hapur dyqane, karburant, ka pasur lokale dhe lavazhe në Korçë. Por edhe pse ka bërë jetë të kamur, kjo nuk e ka ndalur që edhe si kryetar bashkie të vijojë të bëjë pasuri. Më poshtë kemi deklarimet e tij pasurore të bëra në Inspektoratin e Lartë të Deklarimit dhe Kontrollit të Pasurive.
Deklarimi pasuror i Ilir Xhakollit
Vtiti 2020
Viti 2021
Viti 2023
/Pamfleti/
