Një ngjarje e rëndë ka ndodhur mesditën e kësaj të mërkure në ambientet e uzinës së Ferrokromit Albchrome në Elbasan, ku një punonjës është plagosur rëndë gjatë një procesi pune.
Burime zyrtare bëjnë me dije se i lënduari është identifikuar si Rudin Meçja, i cili punonte si mekanik mirëmbajtjeje në këtë repart industrial.
Sipas të dhënave paraprake, aksidenti ka ndodhur rreth orës 12:15, në repartin e copëtimit të ferrokromit, gjatë një operacioni teknik për ndërrimin e pllakave të copëtuesit, pjesë të rënda metalike që përdoren për përpunimin e lëndës së parë.
Meçja ndodhej së bashku me disa kolegë të tjerë të ekipit të mirëmbajtjes kur një pllakë metalike me peshë qindra kilogramë u shkëput dhe i ra mbi shpinë dhe shpatull, duke e lënë të plagosur rëndë.
Menjëherë pas ngjarjes, punonjësit e tjerë dhanë ndihmën e parë dhe e transportuan në Spitalin e Traumës në Tiranë.
Inspektorati i Punës vendosi pezullimin e pjesshëm të aktivitetit të Albchrome për sigurinë dhe shëndetin në punë.
Aktiviteti i repartit ku ndodhi aksidenti pezullohet deri në marrjen e masave për sigurinë e punëtorëve
