Zgjedhjet parlamentare të 11 Majit patën jehonë nga mediat ndërkombëtare qysh në nisje të fushatës elektorale të partive politike, që u futën në garë.
Së fundmi, “Corriere della Serra”, ka publikuar një shkrim mbi rezultatet e deritanishme të procesit të numërimit ku Partia Socialiste e Ramës kryeson me 52%. I dyti renditet koalicioni PD-AShM që numëron 34.50% të votave.
Në shkrimin e medias italiane theksi vihet tek pjesëmarrja e ulët. Më 11 Maj, sipas të dhënave të Komisionit Qendror të Zgjedhjeve votuan 42.21% e shqiptarëve, një rënie krahasuar me zgjedhje e 25 Prillit 2021, ku pjesëmarrja rezultoi në 48.59%.
“Një rekord. Një rekord, por negativ, ishte pjesëmarrja — kurrë veçanërisht e lartë në shtetin ballkanik — e cila u ul në rreth 43%, katër pikë më pak se viti 2021”, shkruan “Corriere della Sera”.
Ndër të tjera, media italiane iu referua edhe intimidimit të votuesve dhe shit-blerjes së votësh, duke theksuar se në ditën e zgjedhjeve “7 persona u arrestuan sepse u kapën duke fotografuar fletën e votimit.”
