Mbledhja e Komisionit Rregullator në KQZ ka dështuar për shkak të mungesës së kuorumit.
Kjo ka bërë të pamundur shqyrtimin e propozimit të PS për të shtyre orarin e votimit në qytetin e Vlorës, për shkak të zhvillimit të Giro D’Italia.
Në fokus të mbledhjes ishte shqyrtimi i kërkesës për zgjatjen e afatit të votimit në 55 qendra votimi në këtë qark, për shkak të kufizimeve në lëvizje të shkaktuara nga aktiviteti ndërkombëtar sportiv “Giro D’Italia”.
Por mungesa e dy anëtarëve të opozitës, të cilët bojkotuan seancën, çoi në mosarritjen e kuorumit të nevojshëm për zhvillimin e saj.
