Kanë mbërritur materialet zgjedhore në KZAZ 55 dhe 56 të Lushnjës si dhe KZAZ 57 të Divjakës sot.
Mjetet e transportit të komisionit qendror të zgjedhjeve kanë sjellë në selitë e komisioneve zonale të administrimit të zgjedhjeve kutitë me përmbajtjen kutive të votimit për qendrat e votimit të administruara kënga KZAZ përkatëse.
Në selinë e KZAZ 56 tek muzeu historik kanë mbërritur materialet zgjedhore të 65 qendrave të votimit që përfshijnë qytetin e Lushnjës, ndërsa në selinë e KZAZ 55 në palestrën e shkollës Skënder Libohova kanë mbërritur 92 kutitë e votimit që qendrave përkatëse të ish komunave sot njësi administrative.
Gjithashtu edhe në KZAZ 57 në Divjakë në ambientet e qendrës kulturore kanë mbërritur 67 kuti të qendrave përkatëse të votimit.
Materialet zgjedhore janë marrë nën administrim nga komisionet zonale të cilat kanë verifikuar dhe kontrolluar këto të fundit.
Pritet që ditën e enjte të mbërrijnë dhe pajisjet e identifikimin PEI.
Gjithë procedura është ndjekur nga afër nga organet e rendit të cilat duke nisur nga sot do të qëndrojnë 24 orë nën monitorimin e tyre të gjitha KZAZ.
Kujtojmë se deri më tani materialet zgjedhore kanë mbërritur në Korçë, Berat dhe Elbasan
