Kandidatja e Koalicionit Euroatlantik, Taulanda Jupi, ka ndarë një mesazh nga Lapraka, ku qytetarët e kanë pritur me entuziazëm. Ajo e ka përshkruar atmosferën si shenjë të qartë të një ndryshimi të madh që po vjen më 11 maj.
Në fjalën e saj, Jupi ka vënë në pah se fushata nuk është thjesht për vota, por për drejtimin që do të marrë vendi:
“Koha e ndryshimeve gjysmake ka marrë fund. Është koha për të kthyer Shqipërinë drejt të ardhmes – me dinjitet, vendosmëri dhe krenari.”
Por mesazhi më i veçantë i saj ka qenë ai i mirënjohjes për njerëzit që po e shoqërojnë në këtë rrugëtim. Me theks të veçantë, ajo ka përmendur Neritan Vladin, duke e cilësuar si shembull të rrallë të përkushtimit dhe besueshmërisë:
“Mirënjohje për Neritanin, që flet pak por bën shumë. Një burrë fjale, që e do Shqipërinë dhe nuk lë sakrificë pa bërë për të.”
Postimi
Fytyrat e qeshura të Laprakës janë preludi i fitores
Në Laprakë fytyrat e ndriçuara nga buzëqeshjet janë shenjë e besimit. Qytetarët janë gati për ndryshimin që e bën Shqipërinë një vend të denjë për të ardhmen e brezit të ri. Dhe kur shqiptarët janë gati, nuk ka forcë që i ndal.
Bashkëudhëtarët e mi në këtë fushatë e dinë që më 11 maj nuk votojnë thjesht për një emër, por për një drejtim të ri. Koha e ndryshimeve gjysmake ka marrë fund. Është koha për të kthyer Shqipërinë drejt të ardhmes.
Prandaj, unë nuk kërkoj thjesht votën tuaj. Kërkoj besimin tuaj për të rindërtuar një shoqëri ku është dinjitoze të jetosh. Një Shqipëri që nuk ul kokën, por ecën përpara me vendosmëri dhe krenari.
Dhe për këtë, unë jam thellësisht mirënjohëse.
Mirënjohje për Neritanin, që flet pak por bën shumë, një burrë fjale, që e do Shqipërinë dhe nuk lë sakrificë pa bërë për të.
Mirënjohje për zonjat, që përhapin dritë kudo ku shkojnë dhe i jep forcë çdo gruaje që ka ëndrra për të ndjekur, që me durim e dije ndërtojnë ura atje ku të tjerët shohin mure.
Mirënjohje për djemtë që nuk kanë pritur kurrë t’u thuhet “faleminderit” për të vepruar si qytetarë të denjë, që nuk harrojnë kurrë as të shkuarën, as përgjegjësinë ndaj brezit të ri.
Për çdo fytyrë që më ka pritur me buzëqeshje në Laprakë, faleminderit. Buzëqeshja juaj është energjia ime. Bindja juaj është forca ime.
Më 11 maj, e ardhmja fillon me ju.
Voto Taulanda Jupi
Voto Koalicioni Euroatlantik
