Interi mposhti Barcelonën 4-3 pas kohës shtesë në një tjetër ndeshje të papritur të martën për të arritur në finalen e dytë të Ligës së Kampionëve në tre vjet.
Në fund u desh kohë shtesë, dy rikthime të mahnitshme të Barcelonës dhe 13 gola – disa prej të cilëve magjepsës – për të ndarë të dyja ekipet dhe për të ccuar Interin të triumfojë 7-6 në total.
Zëvendësuesi Davide Frattesi ishte heroi i kohës shtesë për Interin, duke shënuar në minutën e 99-të për të lënë lojtarët e Barcelonës të rrëzuar përtokë dhe të gjithë shokët e tij të ekipit Nerazzurri – përfshirë ata në stol – të nxitonin për të festuar me të.
Pak momente më parë, Frattesi kishte inkurajuar turmën tashmë të zhurmshme të San Siros të bënte më shumë zhurmë dhe atmosfera u bë edhe më e ethshme pas golit të tij.
Interi, i cili humbi finalen ndaj Manchester Cityt në vitin 2023, do të përballet ose me Paris Saint-Germain ose me Arsenalin në Mynih më 31 maj.
PSG mposhti Arsenalin 1-0 në Londër javën e kaluar në ndeshjen e tyre të parë.
