Kryeministri Edi Rama ka mësuar ‘live’ ndarjen nga jeta të Papa Françeskut.
Rama ka ndërprerë takimin elektoral në Kavajë dhe në shënjë respekti ka mbajtur një minutë heshtje për Papa Françeskun. Ai e vlerësoi si një njeri të jashtëzakonshëm.
“Më erdhi një mesazh këtu tani, më vjen shumë keq, ka ndërruar jetë Ati i Shenjtë, Papa Françesku, një njeri i jashtëzakonshëm.
Unë kam pasur një raport personal me të, më çonte vazhdimisht mesazhe dhe më vjen jashtëzakonisht keq, ai zgjodhi të vizitonte Shqipërinë jashtë Vatikanit pasi u zgjodh Papë.
Pas një takimi që patën, ai kaloi në Shqipëri një ditë që e konsideronte të paharrueshme tha dhe fjalën e paharrueshëm që Shqipëria ka vëllazëri fetare. Besoj kam mirëkuptimin këtu ta nderoj me një minutë heshtje dhe ta ndërpresim këtu takimin”, tha Rama.
