Kandidati i Partisë Socialiste, Ani Dyrmishi, ka ndarë në rrjetet sociale foto të disa emigrantëve shqiptarë që mbajnë në dorë zarfet e votimit.
Pamjet e publikuara në Instagram janë shoqëruar me komente pozitive për angazhimin e diasporës, por në fakt mund të përbëjnë një shkelje të rëndë të ligjit zgjedhor.
Sipas praktikës që shfaqet në këto foto, emigrantët duket se i kanë dërguar pamjet kandidatit si një mënyrë për të dëshmuar që kanë votuar për të, një veprim që ngre dyshime të forta për presion apo kontroll të votës.
Ndërkohë, vetë Dyrmishi i ka interpretuar këto veprime si një sinjal të mobilizimit të diasporës në mbështetje të tij, duke i promovuar publikisht në rrjetet sociale.
Por reagimet nuk kanë munguar, teksa për ekspertë të zgjedhjeve dhe qytetarë të shumtë kanë ngritur shqetësimin se një veprim i tillë cenon parimin e votës së lirë dhe të fshehtë.
Deri tani, nuk ka një reagim zyrtar nga Komisioni Qendror i Zgjedhjeve apo institucionet përkatëse mbi rastin.
