Kreu i Komisionit Qendror të Zgjedhjeve, Ilirjan Celibashi deklaroi se procesi i votimit të diasporës po vijon.
Celibashi u shpreh se votuesi i parë, ishte një emigrant në Gjermani. Kreu i KQZ shtoi se deri tani, kanë votuar 111 persona, zarfet e të cilëve janë tërhequr nga posta DHL.
“Votuesi i parë, të cilit i ka mbërritur zarfi, ka qenë nga qarku i Dibrës, jeton në Gjermani. Janë në mbërritje, 111 zarfa, janë 111 votues dhe është tërhequr ky zarf nga DHL. Votimi nga jashtë, pra votimi i zgjedhësve shqiptarë, tashmë oknsiderohet i kryer. Është rasti për të falenderuar ata të cilët u morën me këtë proces”, theksoi ai ndër të tjera.
