Kryeministri Edi Rama ka ironizuar opozitën, duke postuar një fotografi të drejtuesit të fushatës së demokratëve Chris La Civita, i cili ka pozuar duke treguar nr 5.
Sipas Ramës ky është tregues që qytetarët nuk kanë rrugë tjetër, por të votojnë numrin 5 ne fletën e votimit, që është Partia Socialiste.
Rama nuk ka kursyer dhe amerikanin, La Civita, të cilin e ka quajtur me ironi si “Latifi”, që sipas tij e ka kuptuar se do të votohet PS-ja, duke vendosur përbri dhe flamurin e Shqipërisë dhe të atë BE-së.
Edhe vetë Latifi e kuptoi që s’ka rrugë tjetër”, shkruan Rama në facebook.
Sakaq, me një postim tjetër në rrjete sociale, Rama ka vijuar ironitë me Berishën në figurën e bufave. Kësaj here kishte shkëputur një pjesë të fjalimit të Berishës, i cili akuzonte Ramën se po e kopjonte ashtu siç dikur Nokia tentoi të kopjonte iPhone e Apple.
Rama sipër videos ka vënë mbishkrimin “jerm”, teksa një zë humoristik në fund të videos dëgjohet “tekonologjia”.
