Në një intervistë për ‘Kafe Shqeto’, avokati Altin Goxhaj ndau një vlerësim për politikën ekonomike të presidentit Donald Trump, duke mbrojtur veprimet e tij në tregtinë ndërkombëtare dhe duke e konsideruar atë një strategji të suksesshme për mbrojtjen e interesave të Shteteve të Bashkuara.
Goxhaj theksoi se Trump ka pasur një vizion të qartë për të balancuar disbalancat e tregut global, veçanërisht kur bëhet fjalë për marrëdhëniet me Kinën, e cila kontrollon një pjesë të madhe të borxhit të SHBA-së dhe ka dominuar tregtinë ndërkombëtare në dekadat e fundit.
Ai argumentoi se politikat e tarifave dhe masat e tjera që Trump ka ndërmarrë, duke synuar të reduktojë varësinë nga importet dhe të rrisë prodhimin vendas, janë pjesë e një strategjie të gjerë që kërkon të forcësojë ekonominë amerikane dhe të rikthejë vende pune në SHBA.
Për Goxhaj, Trump ka të drejtë kur thotë se lufta ekonomike është e pashmangshme në një botë ku fuqitë ekonomike botërore përpiqen të dominojnë tregjet, dhe ai ka përdorur mjete ekonomike si tarifa për të mbrojtur ekonominë amerikane nga praktikat abuzive të konkurentëve globalë.
Fjala e plotë:
“Po të pyetësh njerëzit, shumë janë të ndikuar nga propagandat kur vjershin fjalët e Trump, dhe sa herë më pyesin, ju them duroni dhe do ta kuptoni se Trump ka të drejtë.
Trumpi me tarifat i është premtuar fushatës gjatë gjithë kohës, po të mos harrojmë, që Trump këtë gjë e ka thënë që në vitet ‘80.
Ai ka 40 vite që e mendon këtë goditje dhe kjo është shumë inteligjente dhe mjaft e suksesshme do të thoja, sepse kjo është lufta e re.
Do vritemi me armë, duhet të përdorim aeroplanët, bombat atomike, apo do përdorim ekonominë, sepse në fund fare lufta për ekonomi bëhet. Atherë, përse të mos luajmë me mjete ekonomike?
Ajo që ka bërë Trump, për të balancuar atë që quhet disbalanca e plotë që ka në tregtinë e jashtme pasi ajo më shumë importon sesa eksporton, por a shohësh ka % si Shqipëria për nga mënyra se si vijnë importet, sidomos Kina që sot kontrollon borxhin e Amerikës.
Kina është blerësi kryesor i bonove të thesarit në Amerikë, dhe po të shohësh gjithçka, realiteti amerikan i ngjan oerwndimit, kemi një projekt shumë të vjetër antiperëndimor i cili u cilësua si thuash në terma ndërkombëtarë si ngrohja globale, e shkaktuar nga karboni.
Kjo shoqëria e madhe e rrenave më të mëdha të shekullit 20/21 tani po zhbëhet pak nga pak. Por çfarë rëndësie ka ngrohja globale në temën që ne flasim?
Është pikërisht ngrohja globale që përcakton deindustrializimin e perëndimit dhe ky ishte projekti për ta zhvendosur në Kinë.
Kjo elitë botërore që e urren botën dhe shoqërinë perëndimore kërkon ta bëjë botën në projekcionin e Kinës, një shoqëri skllavërie dhe me një kontroll absolut”.
