Kandidatja për deputete, ne Koalicionit Euroatlantik Taulanda Jupi, ka prezantuar një program të gjerë investimesh në sektorin kulturor, duke e konsideruar atë një motor të zhvillimit ekonomik dhe shoqëror.
“Vendet e suksesshme nuk maten më vetëm nga ekonomia, por nga mendimi dhe krijimtaria. Shqipëria nuk bën përjashtim,” deklaroi Jupi, duke theksuar se koha e fjalëve ka përfunduar dhe ka ardhur momenti për veprim konkret.
Plani përfshin:
50 milion euro buxhet për artin, kulturën dhe trashëgiminë
0% taksë për individin krijues, për të mbështetur profesionistët e fushës
1 milion euro për artistët e rinj përmes programit “RINFOND”
+5 milion euro për kinemanë shqiptare, duke përfshirë prodhimin dhe promovimin
35% rimbursim për prodhime të huaja filmike të realizuara në vend
Ligj i ri për Sponsorizimet, për të nxitur përfshirjen e sektorit privat
Përafrim ligjor me BE-në, për institucione kulturore më moderne dhe të pavarura
Strategji Kombëtare për të Drejtën e Autorit, me synim rritjen e të ardhurave nga 0.7 në 7 milionë euroParalelisht, parashikohet krijimi i institucioneve të reja si Qendra për Art Bashkëkohor, Qendra për Letërsinë dhe Librin, si dhe ngritja e Fondit për Kreditim Kulturor dhe Agjencisë Kombëtare të Librit.
“Kultura nuk është luks. Është themeli i lirisë. Është ADN-ja e Shqipërisë së të ardhmes,” tha Jupi.
