Kandidatja e Koalicioni Euro-Atlantik, Taulanda Jupi, zhvilloi një takim me banorët e Njësisë 14, ku ndau vizionin dhe angazhimin e saj për ndryshimin e komunitetit.
Jupi shprehu vendosmërinë e saj për të sjellë ndryshim përmes bashkëpunimit me qytetarët. Ajo theksoi se angazhimi i saj nuk është vetëm për fushatë, por për një punë të vazhdueshme në shërbim të komunitetit.
“Nuk jam këtu për të pritur ndryshimin. Jam këtu për ta sjellë ndryshimin bashkë me ju,” u shpreh ajo gjatë fjalës së saj, duke theksuar se çdo problem dhe shqetësim i qytetarëve do të jetë prioritet i saj.
Kandidatura e saj mbështetet nga Koalicioni Euro-Atlantik, me numrin 4 në fletën e votimit për zgjedhjet e 11 majit.
Postimi i plote
Njësia 14, Tiranë
Një pasdite e mbushur me energji, besim dhe vendosmëri!
Sot pata nderin dhe emocionin të prezantohem para jush, banorëve të mrekullueshëm të njësisë 14. Në një takim të ngrohtë, me fytyra miqësore dhe duar të shtrënguara me besim, ndjeva edhe një herë pse e kam ndërmarrë këtë rrugë.
Sot ju thashë:
“Nuk jam këtu për të pritur ndryshimin. Jam këtu për ta sjellë ndryshimin bashkë me ju.”
Dhe ju, me sytë tuaj plot shpresë, më dhatë forcën për ta çuar këtë mision deri në fund.
Ky është vetëm fillimi. Unë jam këtu për ju. Për çdo problem, për çdo shqetësim, për çdo ide që mund të na çojë përpara. Jam gati të dëgjoj dhe të veproj.
Faleminderit për mbështetjen, fjalët e ngrohta dhe energjinë që më dhatë sot.
Bashkë do të ndërtojmë një Shqipëri më të mirë, një Tiranë më të drejtë, një komunitet më fortë dhe një të ardhme që gëzon çdo fëmijë të këtij qyteti.
