6 subjekte në Vlorë janë evidentuar se tregtonin mish pule me salmonelë.
AKU ka konstatuar se sasia e mishit me salmonelë ka qenë edhe në disa markete, dhe ka vijuar edhe në restorante të cilat janë konsumuar nga klientët.
Mishi me salmonelë u importua nga Brazili dhe më 11 mars 27 mijë kg mish pule u fut përmes Portit të Durrësit. Mishi dyshohet se është hedhur në treg, pa pritur përgjigjen e analizave.
Kjo ka vënë në rrezik shëndetin e konsumatorëve shqiptarë, të painformuar për mishin e infektuar.
Vetë ministrja e Buqjësisë, Anila Denaj është shprehur se sasia e mishit të infektuar është tërhequr nga tregu duke ia kaluar topin e përgjegjësisë institucioneve përkatëse.
“Çështja i takon insitucioneve si krimi ekonomik, policia që duhet të japin gjykimin përkatës. Nuk bëhet politikë me ushqimin, është shumë e rëndësishme që të verifikohen prononcimet në media nga institucionet shtetërore. Jo vetëm që kemi reaguar, por gjithashtu i kemi çuar çështjet përpara institucioneve”, tha Denaj
