Faqja e njohur Lolita i ka kushtuar vëmendje ditën e sotme çiftit të njohur Adnan Mahmutaj dhe Albana Karadaku, të cilët më parë janë akuzuar për mashtrim përmes TIBO.
Lolita shkruan se çifti Adnan Mahmutaj dhe Albana Karadaku janë akuzuar për përvetësimin e të paktën 2.2 milionë eurove përmes mashtrimeve të sofistikuara.
Burimet konfirmojnë se kjo shumë është e faktuar, por numri i viktimave dhe dëmi i shkaktuar mund të jetë edhe më i madh.
Sipas të dhënave të publikuar nga Lolita, Mahmutaj dhe Karadaku kanë shfrytëzuar besimin e njerëzve për të zhvatur shuma të konsiderueshme parash, duke u prezantuar si investitorë të suksesshëm.
Kujtojmë që Ka qenë Mirlinda Heidorn, e cila ka kallëzuar Adnan Mahmutajn, i cili ka 32% të aksioneve në Tibo shpk.
Sipas dosjes, Mahmutaj i ka thënë kallëzueses Mirlinda Heidorn se i duhet një shumë prej 2.2 milionë eurosh për vijimin e kontratës që kishte me shtetin italian, shumë të cilën kallëzuesja e ka kredituar. Përfitues i drejtpërdrejtë i shumës 2.2 milionë euro është “Megaware Shpk” dhe garantorë janë “TIBO Comunication shpk” dhe “TIBO Al” shpk, duke parashikuar në kontratë një komision mujor prej 25.000 euro.
Kallëzuesja shpjegon se është takuar me Mirgen Zeçallari, aksioner në kompanitë e lidhura, i cili e ka siguruar se nuk do t’i marrë paratë e kredituara, pasi TIBO është në pamundësi. Ajo nuk ka mundur t’i marrë paratë, edhe pse kontrata parashikonte një afat 12-mujor.
