Komisioni i Ankesave dhe Sanksioneve (KAS) do të zhvillojë të mërkurën, në orën 11:00, një seancë për shqyrtimin e ankesës së dorëzuar më 3 mars nga Altin Goxhaj, përfaqësues i partisë Aleanca Konservatore për Shqipërinë.
Deri në marrjen e formës së prerë të vendimit gjyqësor të datës 21 shkurt 2025, kjo parti vijon të jetë e regjistruar me emrin e mëparshëm, Aleanca Europiane Ekologjike.
Përfaqësues ligjor në këtë çështje është avokati Redon Meksi.
Ankesa ka në fokus vendimin e Komisionerit Shtetëror të Zgjedhjeve, Ilirjan Celibashi, i cili më 28 shkurt vendosi që emrat e kandidatëve në listat e hapura të mos shoqërohen me një numër identifikues.
Ky vendim është kundërshtuar nga Aleanca Konservatore për Shqipërinë, me argumentin se pengon votuesit të gjejnë kandidatët e preferuar në fletën e votimit dhe kufizon aftësinë e kandidatëve për të promovuar numrin e tyre në fushatë.
Sipas ankimuesve, renditja e emrave me gërma të vogla sipas rendit alfabetik të mbiemrit krijon vështirësi për votuesit, duke cenuar thelbin e listës së hapur.
Nesër pritet që KAS të shqyrtojë këtë çështje, e cila mund të ketë ndikim të madh në mënyrën se si do të funksionojnë listat e hapura në zgjedhjet e ardhshme.
Postimi i plote
THIRRJE PËR PJESMARRJE TË PËRFAQËSUESVE TË TË GJITHË PARTIVE TË MËRKURËN NË 11:00 NË KQZ sepse zhvillohet seanca e KAS për shqyrtimin e ankesës së dorëzuar në 3 Mars nga @Altin Goxhaj si përfaqësues i partisë Aleanca Konservatore Për Shqipërinë (e cila deri në dt Mars për shkak të kohës për të marrë formë të prerë vendimi i Gjykatës i dt 21 Shkurt 2025 mbetet ende e regjistruar me emrin e vjetër Aleanca Europiane Ekologjike) me përfaqësues ligjor si avokat @Redon Meksi, për heqjen e numrit identifikues nga emri i kandidatëve të Listave të Hapura që as zgjedhësit të mos gjejnë të preferuarin dhe as kandidatët të mos kenë mundësi të promovojnë numrin e tyre në Fletën e Votimit.
Komisioneri Shtetëror, Ilirjan Celibashi vendosi në 28 Shkurt që emrat e kandidatëve të LISTËS SË HAPUR të çdo partie apo koalicioni të mos shoqërohen me një numër identifikues me qëllim që të pengohen votuesit të gjejnë mes dhjetra emrash të preferuari e tyre në Fletën e Votimit ashtu edhe kandidatët të bëjnë fushatë duke promovuar numrin e tyre. Altin Goxhaj e kundërshtoi (siç duket edhe në video) por Celibashi kishte marrë urdhër të pengojë zgjedhësit të votojnë për të preferuarit duke e zhbërë krejt Listën e Hapur. Emrat me gërma të vogla do renditen sipas rendit alfabetik të mbiemrit që votuesit të pengohen të gjejnë menjëherë të preferuarit e tyre. Nesër, pas ankesës së dorëzuar të Hënën nga Altin Goxhaj dhe Redon Meksi, zhvillohet seanca e shqyrtimit të ankesës.
P.s. Kjo është një çështje madhore sepse mund të rrëzohet gjithë efektiviteti i Listës së Hapur.
Link: Facebook Video
