Deputeti socialist Plarent Ndreca është rikthyer këtë të enjte në SPAK për dosjen e korrupsionit me tenderat në Polici.
Ndreca është marrë i pandehur ngs SPAK që nga data 25 tetor 2024, ndërkohë që mbi të rëndon akuza e “shkeljes së barazisë në tenderë” për devijime ligjore në garën për ndërhyrje në Komisariatet e Vlorës, Mirditës, Pogradecit dhe atij nr. 4 në Tiranë kur mbante detyrën e Sekretarit të Përgjithshëm në Ministrinë e Brendshme.
Kallëzimi fillestar është bërë nga Kontrolli i Lartë i Shtetit, i cili evidentoi mospërputhje dhe devijime ligjore në procedurat e prokurimit për rikonstruksionin e komisariateve në Vlorë, Mirditë, Pogradec dhe Komisariatin nr. 4 në Tiranë.
