KQZ është përfshirë në fushatën dhe regjistrimin e emigrantëve në diasporë për llogari të Partisë Socialiste, ose Partia Socialiste po shkel rëndë ligjin duke përdorur KQZ.
Emisionit Piranjat ka denoncuar se si Partia Socialiste ka ngritur zyra luksoze në Athinë, thirren për tu regjistruar në emër të KQZ. Veç shkeljes së rëndë ligjore, me përfshirjen e KQZ-së në këtë proces apo abuizimit në emër të KQZ-së, skandali bëhet edhe më i rëndë, pasi për procesin elektoral të Partisë Socialiste përdoren fondet dhe mjetet e shtetit për të bërë fushatë partiake.
Komisioni Qëndror i zgjedhjeve është bërë pjesë e fushatës së Partisë Socialiste, ose kjo e fundit në emër të KQZ-së dhe në shkelje të ligjit po manipulon votën e diasporës. Emisioni Piranjat ka denoncuar në emisionin e kësaj të premteje, se si e gjithë kupola e Partia Socialiste dhe zyrtarë që prezantohen në emër të KQZ-së, regjistrojnë dhe u diktojnë votën emigrantëve. Emisioni ‘Piranjat’ në Syri Televizion ka udhëtuar në Athinë, ku me fonde të dyshimta janë kryer investime që nga marrja me qera e një kati të tërë të një prej hoteleve më luksoze në kryeqytetit grek dhe kthimi i saj në zyra, që siç prezantohet përgjegjësja e kësaj zyre, janë nga KQZ.
Punonjësit e administratës, regjistrojnë emigratët dhe i këshillojnë mbi mënyrën e votimit.
Për këtë process antiligjor, në krye janë vendosur drejtuesit më të lartë të qeverisë nisur nga zv. kryeministrja Belinda Balluku, Ministrja Ogerta Manastriliu apo edhe disa kryebashkiakë socialist, që veç orjentimit për tu regjistruar nuk ngurojnë as të pozojnë me shqiptarët e thirrur në radhë për tu regjistruar nga patronazhistët e tyre.
Qëllimin e takimit e tregojnë emigrantët e thirrur.
Ndërsa përgjegjësja e zyrës prezantohet si përfaqësuese e KQZ-së, shqetësues është edhe fakti se si resurset dhe paratë e takasapaguesve shqiptarë përdoren për fushatën e Partisë Socialiste. Nga një vëzhgim në parkimin e hotelit të kthyer në bazë patronazhimi, janë dhjetra mjete luksoze të zyrtarë socialistë apo makina të administratës që çdo fundjavë përdoren për patronazhimin e diasporës.
Tashmë i mbetet KQZ-së dhe Ilirjan Celibashit të sqarojë nëse i është bashkuar fushatës së Partisë Socialiste duke dërguar administratën e tij për regjistrimin e emigrantëve, apo jemi përballë një shkelje të rëndë të ligjit me përligjjen e procesit zgjedhor të 11 majit.
