Një raport i ngushtë, i lindur mes Gjestit dhe Eglit duket se ka pësuar krisje. Gjatë ditëve të fundit ata kanë pasur debate të forta, e madje janë distancuar duke mos qëndruar më bashkë.
Egli tha se ka marrë përgjigje për marrëdhënien e tyre, teksa pranoi hapur se ka nisur të ndjejë për të. Nga ana tjetër, Gjesti tha se u distancua pasi nuk do ta lëndojë. Ai theksoi se nuk ka ndjenja për Eglin.
Egli: Sot shtëpia nuk ka qenë e bukur fare, ka qenë shumë bosh. Përplasja me Gjestin ka ndikuar më shumë. Shumë konfuzion, pendesë, por dhe konfirmimi i marrë për këtë marrëdhënie, mbi shumë pikëpyetje që kisha, të cilave u dha një përgjigje. Më duhet pak kohë që ta procesoj sepse ishte situatë e sikletshme.
Gjesti: Jam pak më i tërhequr se Egli. Ajo mendon se po bëj lojë. Kam qenë keq emocionalisht, por edhe nuk dua ta lëndoj prandaj jam tërhequr. Për momentin nuk kam ndjenja më shumë, kur e ndjej e bëj por nuk e ndjej. Ajo më ka thënë a ke dikë jashtë dhe unë ia kam shpjeguar më parë që nuk kam asnjeri jashtë. Kam qejf të ri me të, të kaloj kohë me të por asgjë më shumë. E di që ajo ndjen për mua por unë nuk ndjej. Kjo nuk ka aspak lidhje me asnjë person jashtë. Në shtëpi përveç Eglit, I besoj dhe Rozanës. Nuk kam raport me asnjë banor tjetër. E kam përzemër, i kam thënë se ajo po humbte në shtëpi pasi banorët nuk i duan të mirën. Mund të kem deri diku pëlqim por asgjë më thellë. Di të them se ajo ka qejf të bëjë filma, bëhet ndonjëherë xheloze por e kuptoj.
Egli: Për mua Gjesti nuk është lojtar i kësaj shtëpie, është më shumë, është i vetmi që kam besim. E di që nuk ka qëllim të keq ndaj meje. Më bie ndesh interesi im dhe ajo që ndjej për të, ndihem në siklet, por është diçka që ndodh. Më vjen pak turp sepse jam vajzë. Mua më bien ndesh veprimet me ato që thotë. Kam parë një shqetësim të madh të tij për mua që më ka bërë të besoj se ka diçka më shumë se raporti shok-shoqe. Unë po e pranoj që kam një ndjenjë, dashamirësi, por e respektoj që ai është i sinqertë dhe që thotë se nuk ndjej të njëjtën gjë. Por po më bëhet e vështirë këtu brenda, sepse këtu nuk ke ku shkon dhe nuk takon dot njerëz të rinj.
