Tifozat Kuq e Zi mbushin plot 21-vite që nga dita që janë themeluar këtë dhjetor. Ata kanë zgjedhur që këta festime t’i zhvillojnë në qytetin shqiptar të Strugës.
TKZ gjithashtu ka bërë edhe një vizitë ditën e djeshme në bibliotekën Linkest në Manastir, e para dhe e vetmja bibliotekë shqiptare e hapur në këtë qytet, falë iniciativës së Emira Selimit nga Shkupi. Ata shprehen të gatshëm që të ofrojnë mbështetje për të forcuar më tej këtë kauzë.
21 vjet në ruajtjen e traditës kombëtare! 🇦🇱
Si çdo vit, grupimi ynë u mblodh këtë fundjavë për të festuar përvjetorin e themelimit! Këtë herë, mikpritëse e festimeve ishte Struga, qyteti i shqiptarëve!
Festimet nisën me një vizitë në Manastir, qytetin historik të alfabetit. Atje vizituam Bibliotekën Linkest, e para dhe e vetmja bibliotekë shqiptare e hapur në këtë qytet, falë iniciativës së Emira Selimit nga Shkupi. Diskutuam për sfidat që has kjo nismë dhe u zotuam të ofrojmë mbështetjen tonë për të forcuar më tej këtë kauzë.
Pas vizitës në bibliotekë, vazhduam drejt Muzeut të Kongresit të Alfabetit, duke rikujtuar historinë dhe rëndësinë e kësaj ngjarjeje për kombin tonë.
Në mbrëmje, të dy anët e Drinit të Zi u ngjyrosën kuq e zi duke krijuar një spektakël unik.
Sot, aktivitetet kulmuan me një ndeshje miqësore midis ekipit të Tifozave Kuq e Zi dhe ekipit kampion të FC Struga, e zhvilluar në stadiumin e qytetit. Në fund të ndeshjes, i ndamë çmimin “O sa mirë me qenë Shqiptar!” presidentit të ekipit të FC Struga, në shenjë mirënjohjeje për promovimin dhe fuqizimin e sportit shqiptar.
Tifozat Kuq e Zi
O sa mirë me qenë Shqiptar!
View this post on Instagram
