Aktori i njohur Rezart Veleshnja, i cili së fundmi mori pjesë në spektaklin “Big Brother Vip Kosova”, është arrestuar nga Policia e Durrësit.
Sipas burimeve zyrtare, Veleshnja është vënë në pranga për shkak të akuzave për mashtrim. Ai dyshohet se ka përvetësuar një automjet nga shtetasi Y. T. dhe më pas e ka shitur atë në mënyrë të paligjshme.
“Specialistët për Hetimin e Krimeve të Komisariatit të Policisë Durrës ndaluan shtetasin R. V., banues në Tiranë, pas me anë të mashtrimit i ka marrë një automjet shtetasit Y. T. dhe më pas e ka shitur,” thuhet në njoftimin zyrtar të policisë.
Materialet proceduriale tashmë i janë referuar Prokurorisë së Durrësit, e cila do të ndjekë më tej hetimet për këtë çështje.
Ngjarja ka shkaktuar tronditje në opinionin publik, duke qenë se aktori është një figurë mjaft e dashur për publikun shqiptar.
