Mjeku gjinekolog Shkëlqim Balili, i ftuar në “Koha për tu zgjuar” në News24, ka folur në lidhje me rëndësinë e balancës hormonale dhe ndikimin e saj në infertilitet.
Ai u shpreh se hormonet janë ato substanca të cilat kanë një ndikim të drejtë për drejtë në pjesën e menaxhimit të peshës si dhe krijimin e një jete të re nëpërmjet shtatzënisë.
Mjeku Balili preku edhe pjesën e ciklit menstrual, duke këshilluar vajza t e gratë të jenë në kontakt me mjekut për këshilla në lidhje me rastet specifike, pasi sipas tij nuk është normale një cikël me dhimbje apo me ndryshime hormonale.
“Hormonet janë substanca proteinike të veçantë që prodhohen nga disa gjendja që ekzistojnë në organizëm dhe prodhimin e tyre e derdhin direkt në gjak. Hormonet janë lajmëtare, mesengerë, shumë të rëndësishëm dhe japin të gjithë funksionin biologjik të organizmit. 50 trilion qelizat në trupin tonë udhëhiqen dhe ndiqen nga një sistem endokrin.
Në gjendje stresi prodhohet kortizoli. Stresi është kripa e jetës dhe puthja e vdekjes.
Fitimi apo humbje e peshës dhe shtatzënia janë në vetvete hormon.
Cikli hormonal është dhurata më e bukur që Zoti i ka dhënë trupit femëror.
Vajzat e gratë duhet të dinë ta menaxhojnë ciklin. Duhet të bëjnë konsulta kur cikli vjen me dhimbje, flukse, ka luhatje humori, kur ka ankthin, pra sindromi PreMenstrual nuk është normal”, u shpreh ai.
Mjeku foli edhe në lidhje me sëmundjes seksualisht të transmetueshme dhe nevojën për të mbrojtur veten.
“Shëndeti është një mirëqenie e plotë fizike emocional, shpirtërore dhe aftësi e plotë për riprodhim,. Shëndeti riprodhues shpesh është faktori esencial që i jep tempin jetës. Një nga faktorët që ndikojnë në të janë sëmundjet seksualisht të transmetueshëm. Edhe OBSH e pranon që ka një trend rritës të SST”, tha ai.
