Kryetari i grupit parlamentar të PD, Gazment Bardhi ka reaguar pas vendimit të GJKKO për lirimin e liderit të opozitës, Sali Berisha.
Në një postim në Facebook, Bardhi shkruan se revokimi i masës është vendimi i duhur ligjor, pasi ccdo vonesë do të ishte sulm politik.
Bardhi theksoi se ky vendim është fitore për Berishën.
“Revokimi nga GJKKKO i masave kufizuese joproporcionale ndaj Sali Berishës është vendimi i duhur ligjor dhe nën frymën, standardin dhe logjikën e vendimit të disa ditëve më parë të Gjykatës Kushtetuese. Çdo ditë vonese do të ishte një sulm politik i drejtësisë ndaj kundërshtarëve të regjimit të Edi Ramës, me qëllim pengimin e aktivitetit politik të tyre në funksionalitet të plotë të betejës së opozitës.
Afërsisht 1 vit pengesë antikushtetuese e aktivitetit politik të Liderit të opozitës është mjaftueshmërisht e rëndë për të toleruar të bëheshin më shumë! Kjo është një fitore politike e Sali Berishës që luftoi, luftoi, luftoi dhe e fitoi!”, shkruan Bardhi.
