Gjatë ditës së sotme, vendi do të vijojë të ndikohet nga kushte atmosferike kryesisht të paqëndrueshme, si pasojë e masave ajrore të lagështa me origjinë veriperëndimore.
Moti do të karakterizohet nga vranësira të dendura dhe kthjellime, të cilat do të shfaqen fillimisht në veri gjatë mesditës dhe do të përhapen gradualisht në të gjithë territorin.Reshje të herëpashershme shiu me intensitet të ulët deri mesatar parashikohen nga orët e para të mëngjesit deri në mesditë, kryesisht në qendër dhe jug të vendit.
Pas mesditës, reshjet do të ndalen në veri, ndërsa do të vijojnë në jug dhe pjesërisht në qendër, me intensitet të ulët deri mesatar, të shoqëruara me stuhi të lehta.Në zonat malore të verilindjes, në lartësitë mbi 1000 metra, deri në mesditë priten reshje të dobëta dëbore.
