Deputetja Monika Kryemadhi, ndaj së cilës SPAK ka caktuar ‘detyrim paraqitje’ për pastrim parash e mosdeklarim pasurie, është shprehur se, “për goditjen politike”, u përdor një ligj i shfuqizuar 4 vite më parë.
“Drejtësia e re me ligjet e vjetra”, shkruan Kryemadhi krahas vendimit të firmosur nga ish-kryetari i Kuvendit në vitin 2020 ku shkruhet “Ligji nr. 8331, datë 21.4.1998 “Për ekzekutimin e vendimeve penale”, i ndryshuar, shfuqizohet në momentin e hyrjes në fuqi të këtij ligji.”
Gjithashtu Kryemadhi në rrjetet sociale ka publikuar dokumentin ku shkuan se masa e sigurisë ndaj saj është cakuar mbi këtë ligj të shfuqizuar nga Kuvendi.
“Drejtësia e re me ligjet e vjetra. Të nderuar qytetarë, aq me nxitim dhe aq me urdhër e ka pasur kjo drejtësi e re goditjen time politike, sa që kanë përdorur një ligj të shfuqizuar jo pak por plot 4 vite më parë.
Të jenë analfabetë funksionalë apo ushtarë funksionalë?! Këtë le ta gjykojnë shqiptarët.
Shikoni, vlerësoni dhe gjykoni vetë faktet me poshtë, por mos harroni që secilin nga anëtarët e kësaj drejtësie e paguajmë 5-6 mijë euro/muaj ne të gjithë së bashku. Kjo është drejtësia që duam?”, shprehet Kryemadhi.
