Denis Loka, 28 vjeç, humbi jetën pasi u godit me thikë nga kushëriri i tij 17-vjeçar, Enis Loka, në Athinë. I riu u sulmua nga Enisi dhe vëllai i tij 19-vjeçar, Aleksandros Loka, e më pas u godit me thikë.
Dy të rinjtë janë arrestuar nga policia dhe kanë rrëfyer se donin të merrnin hak ndaj Denisit, pasi sipas tyre, 28-vjeçari ka abuzuar seksualisht me ta në Shqipëri, kur ishin të vegjël.
28-vjeçari kishte mbërritur në Greqi ditët e fundit, dhe dy të rinjtë kanë dëshmuar se kur e kanë parë, iu ka ngjallur kujtime të këqija.
17-vjeçari ka rrëfyer se ka qenë ai që ka mundur ta godasë me thikë direkt poshtë qafës kushëririn e tij. Ky i fundit eci zvarrë në rrugën e Patisionit duke kërkuar ndihmë.
Ai është pikasur nga një veturë e policisë rrugore që po kalonte aty dhe polici thirri një ambulancë. 28-vjeçari u dërgua në spitalin Evangelismos, por nuk arriti që të mbijetonte duke humbur jetën.
