Partia e Lirisë ka njoftuar zyrtarisht se do t’i bashkohet protestës së organizuar nga Partia Demokratike ditën e sotme.
Në një deklaratë për mediat, bëhet me dije se kryetari Ilir Meta, së bashku me drejtues, anëtarë dhe simpatizantë të partisë, do të marshojnë në orën 17:30 nga Selia Qendrore për t’u bashkuar me protestuesit përpara Kryeministrisë.
“Në orën 17:30, Presidenti i Partisë së Lirisë, Ilir Meta së bashku me drejtues, anëtarë dhe simpatizantë të Partisë së Lirisë, do të niset nga Selia qendrore në këmbë, për t’iu bashkuar protestuesve përpara Kryeministrisë”, njofton Partia e Lirisë.
